მიკრო, მცირე და საშუალო საწარმოთა საერთაშორისო დღის, 27 ივნისის წინა პერიოდში, ევროკავშირისა და UNDP-ის წარმომადგენლები რამდენიმე საწარმოს ეწვივნენ და მათი პროექტის - საექსპორტო ბაზრების წვდომის, ხელშესახებ შედეგებს გაეცნენ. სტუმრებს შორის იყვნენ ნიკოლას სენდროვიჩი, საქართველოში ევროკავშირის წარმომადგენლობის განვითარებისა და თანამშრომლობის განყოფილების ხელმძღვანელი, და დაგლას უები, UNDP-ის მუდმივი წარმომადგენელი საქართველოში. პროექტის ფარგლებში 2023 წლიდან, 306-მა საწარმომ მიიღო ტექნიკური დახმარება, ტრენინგი და საკონსულტაციო მხარდაჭერა კონკურენტუნარიანობის გაძლიერებისა და ექსპორტისთვის მზადყოფნის გაზრდის მიზნით. აქედან 73 პროცენტი ქალების მიერ დაფუძნებული ბიზნესებია.


#ახალიამბები #BusinessMediaGeorgia