გარემოს დაცვისა და სოფლის მეურნეობის სამინისტროს ინფორმაციით, ამ დროისთვის 15 323 ჰექტრამდე ფართობზე ხორბლის მოსავალი უკვე აღებულია. ხორბლის გადამმუშავებელმა საწარმოებმა ჯამში 1 364 ტონა ხორბალი უკვე შეისყიდეს, რომლის ჩაბარების საშუალო ფასი 0.70 ლარამდეა.
მიმდინარე წელს ფერმერები 200 000 ტონამდე მოსავალს ელიან.

ხორბლის აღების პროცესს გასული კვირის ბოლოს ქართული ოცნების პარლამენტის თავმჯდომარე შალვა პაპუაშვილი და გარემოს დაცვისა და სოფლის მეურნეობის მინისტრი დავით სონღულაშვილი გაეცნენ. უწყების ცნობით, კახეთში მოსავლის აღება შეუფერხებლად მიმდინარეობს.

ბოლო წლების განმავლობაში, საქართველოში ხორბლის წარმოება 135-150 ათასი ტონის ფარგლებშია. საერთაშორისო ტენდენციების ფონზე, მნიშვნელოვანი პროგრესია მიღწეული საშუალო საჰექტარო მოსავლიანობის ზრდაში. 2023 წელს ეს მაჩვენებელი შეადგენდა 2.6 ტონას ჰექტარზე, ხოლო 2024 წელს 3 ტონამდე გაიზარდა. ნათესი ფართობი ასევე სტაბილურია და 50-55 ათასი ჰექტრის ფარგლებში მერყეობს. ხორბლის თვითუზრუნველყოფის კოეფიციენტი ბოლო ოთხი წლის განმავლობაში საშუალოდ 22%-ს შეადგენს, რაც 2017-2020 წლების მაჩვენებელს 7%-ით აღემატება.

რამდენად კმაყოფილები არიან მეხორბლე ფერმერები მოსავლით და სარეალიზაციო ფასით?

სტუმარი: ნიკოლოზ ბენიაიძე - მარცვლის მწარმოებელთა ასოციაციის თავმჯდომარე, კომპანია "შირაქის" დამფუძნებელი;

#ახალიამბები #BusinessMediaGeorgia