"ქართული ოცნების" საგამოძიებო კომისიაზე ტექნიკური უნივერსიტეტის რექტორმა დავით გურგენიძემ 10 აპრილს განაცხადა, რომ საქართველოს უნივერსიტეტი ტექნიკური უნივერსიტეტის ქონებრივი უფლებების ხელყოფის შედეგად დაფუძნდა. მისი თქმით, გიული ალასანიამ ტერიტორია უკანონოდ მიითვისა.

განცხადებას გასული კვირის ბოლოსვე გამოეხმაურა უნივერსიტეტი. მათ მიერ გავრცელებულ პასუხში კომისიაზე გაკეთებული განცხადება კერძო სასწავლო დაწესებულების დისკრედიტაციად და განათლების სისტემაზე შეტევად შეფასდა. საქართველოს უნივერსიტეტი არ არის ერთადერთი, რომელიც ბოლო დროს მთავრობის თუ გარკვეული ჯგუფების მხრიდან ინტერესების ქვეშ მოექცა.

გახსოვთ ალბათ გასული წლის ბოლოს ილიას უნივერსიტეტის გარშემო მიმდინარე მოვლენებიც. მას ავტორიზაცია 1 წლის თავზე მონიტორინგის პირობით მიანიჭეს, რაც უნივერსიტეტის საბჭომ გაასაჩივრა. შედეგად 1 თვის წინ ცნობილი გახდა განათლების ხარისხის ეროვნული ცენტრის გადაწყვეტილება, რომლის მიხედვითაც რამდენიმე თვიანი დავა ილიას სახელმწიფო უნივერსიტეტისთვის სრული ავტორიზაციის მინიჭებით დასრულდა.

რას ედავებიან უნივერსიტეტებს, იმ უნივერსიტეტებს, რომელთა ხმა მიმდინარე პროცესების ფონზე მკაფიოდ ისმის?

სტუმრები: კოკა თოფურია - საქართველოს უნივერსიტეტის რექტორი;
სიმონ ჯანაშია - განათლების ექსპერტი;

#ახალიამბები #BusinessMediaGeorgia