#ახალიამბები
ბათუმში მტაცებელი ფრინველების საქართველოდან უკანონოდ გაყვანის მცდელობის ფაქტი აღიკვეთა. ინფორმაციას გარემოსდაცვითი ზედამხედველობის დეპარტამენტი ავრცელებს. უწყების ცნობით, შემთხვევა გონიოს მიმდებარედ დაფიქსირდა. მოქალაქე ცხრა გავაზისა და სონღულის ტრანსპორტირებას, მანქანის საბარგულში განთავსებული სპეციალურად გაკეთებული ხის ყუთებით ახდენდა. ჩამორთმეული მტაცებელი ფრინველები, დროებით თბილისის ზოოლოგიურ პარკს გადაეცა. სამართალდარღვევა, თითოეულ ერთეულზე 4 ათას ლარიან ჯარიმას ითვალისწინებს.