#ახალიამბები
დაუსრულებელი მშენებლობა, რომელიც ადამიანების სიცოცხლისთვის საფრთხის შემცველ გარემოს ქმნის. ბათუმში, ლუკა ასათიანის 101 ნომერში, სადაც კორპუსი უნდა აშენებულიყო, ახლა ანტისანიტარიაა. საძირკველს წყალი ფარავს, ტერიტორიაზე კი, ხშირად ბავშვები გადაადგილდებიან. აქ მცხოვრებლები დახმარებას ითხოვენ. ფიქრობენ, რომ თუ პრობლემა არ გადაიჭრება, შესაძლოა, ტრაგედია დატრიალდეს. მათივე თქმით, ადგილი ქვეწარმავლების ბუდედაა ქცეული. როგორც ცნობილია, აქ მრავალბინიანი კორპუსი შპს ,,გრინ თაიმს'' 2022 წლამდე უნდა აეშენებინა. რატომ შეჩერდა სამუშაოები და ვინ აიღებს პასუხისმგებლობას ადგილზე არსებულ სიტუაციაზე? კომპანიაში საპასუხო კომენტარი ამ დრომდე არ გააკეთეს. ამ დრომდე ველოდებით ბათუმის მერიის პოზიციასაც.