#ახალიამბები
სოფელ განახლების მოსახლეობა ხელვაჩაურის მერიას პეტიციით მიმართავს. ადგილობრივები ითხოვენ, მოწესრიგდეს სოფლის შიდა გზები, რომელიც ავარიულ მდგომარეობაშია. მოსახლეობის თქმით, წლებია მათი მოთხოვნა რეაგირების გარეშე რჩება, სწორედ ამიტომ, სურთ, რომ მერიამ იგი მომდევნო წლის ბიუჯეტის პროექტში გაითვალისწინოს. განახლების მოსახლეობა, სოფლის გზებზე, გარეგანათების მოწყობასაც ითხოვს. ხელმოწერების შეგროვებაში, სოფელში მცხოვრებელებს „ნაციონალური მოძრაობა“ დაეხმარა. პარტიის ხელვაჩაურის ორგანიზაციის ხელმძღვანელმა, პრობლემაზე ადგილობრივებთან ერთად იმსჯელა. მიშა ბოლქვაძის განცხადებით, პეტიციების გზით, ვითარების შესაცვლელად, ბიუჯეტში თანხების გათვალისწინებას, მერიას პერმანენტულად მოსთოვენ.