#ახალიამბები
„ლელო საქართველოსთვის“ აჭარის საზოგადოებრივი მაუწყებლის მრჩეველთა საბჭოს გაუქმების საკითხს ეხმაურება. პარტია მხარს უჭერს საბჭოს იმ წევრებს, რომლებმაც საკონსტიტუციო სასამართლოს სარჩელით მიმართეს. გენო თებიძის განცხადებით, მიღებული გადაწყვეტილებით, „ქართული ოცნება“ კიდევ უფრო ზღუდავს მაუწყებლის დამოუკიდებლობის ხარისხს. თებიძის შეფასებით, „მაუწყებლობის შესახებ კანონში“ ცვლილება, მმართველი გუნდის მხრიდან, 2024 წლის არჩევნების გაყალბების სამზადისია. შეგახსენებთ, პარლამენტმა აჭარის ტელევიზიისა და რადიოს მრჩეველთა საბჭო დაჩქარებული წესით გააუქმა.