#ახალიამბები
პირველკლასელთა საყოველთაო რეგისტრაციის მესამე ეტაპი დაიწყო. იგი 23 ივნისის ჩათვლით გაგრძელდება. რეგისტრაცია, განათლების მართვის საინფორმაციო სისტემის ოფიციალურ ვებ-გვერდზე registration. emis. Ge-ზე ხორციელდება. განათლების სამინისტროს ინფორმაციით, რეგისტრაციას უზრუნველყოფს მშობელი ან ბავშვის კანონიერი წარმომადგენელი. ელექტრონულად რეგისტრირებული მოსწავლის ჩასარიცხად, აუცილებელი დოკუმენტაციის წარდგენა 26 ივნისიდან 12 ივლისის ჩათვლით განხორციელდება. თუ დადგენილ ვადაში დოკუმენტაციის წარდგენა არ მოხდება, რეგისტრაცია ავტომატურად გაუქმდება. რაც შეეხება მეოთხე ეტაპს, იგი 17 ივლისიდან 28 ივლისის ჩათვლით, უკვე სკოლებში განხორციელდება. ამ ეტაპზე დარჩენილ თავისუფალ ადგილებზე, ან წინა ეტაპებზე გამოთავისუფლებულ ადგილებზე იმ მოსწავლეების რეგისტრაცია მოხდება, რომლებიც პირველ, მეორე და მესამე ეტაპებზე ვერ დარეგისტრირდებიან ან სურთ რეგისტრაციის შეცვლა.