#ახალიამბები
ბობოყვათში, მამაპაპისეული მიწებისთვის ბრძოლა დასრულდა. ინვესტორი, რომელიც ადგილზე ცათამბრჯენს ააშენებს, მოქალაქეებს ბინებით დააკმაყოფილებს. ათამდე გვარის, ასამდე წარმომადგენელი აცხადებს, რომ მოლაპარაკებები შედგა. პროცესი დიდი ხნის განმავლობაში გრძელდებოდა. რამდენჯერმე ჩაიშალა ხელისუფლების მიერ, გამოცხადებული ელექტრონული აუქციონი. ჩაშლილი პროცესის შემდეგ, მმართველმა გუნდმა ადგილზე ზღვისპირა ზოლის მოწესრიგება და ბულვარის მოწყობა გადაწყვიტა, რასაც პერმანენტული აქციები მოჰყვა. ბობოყვათელები ფიქრობენ, რომ ბრძოლას ყოველთვის აქვს აზრი და რომ ყოველდღიურმა ქუჩაში დგომამ შედეგი გამოიღო.