#ახალიამბები
პირველი რეისი მოსკოვიდან - თბილისის საერთაშორისო აეროპორტში ის რუსული თვითმფრინავი დაჯდა, რომელსაც ევროკავშირში შესვლა აკრძალული აქვს. მოსკოვიდან თბილისში პირველი ავიარეისი ოკუპანტების მიერ ენგურის ხიდთან გიგა ოთხოზორიას მკველობის დღეს სრულდება. ვნუკოვოს აეროპორტიდან აფრენილი თვითმფრინავი თბილისის საერთაშორისო აეროპორტში საქართველოს დროით 13:15 საათზე დაჯდა. პუტინმა რუსულ ავიაკომპანიებს საქართველოში ფრენაზე შეზღუდვები 15 მაისს მოუხსნა. ქართული ოცნება მანიპულირებს, თითქოს, რუსეთისგან სავიზო რეჟიმის გაუქმება და ფრენების აღდგენა, ისევ, ქართველებისთვისაა დადებითი გადაწყვეტილება, რადგან ეს რუსეთში მყოფებს ცხოვრებას გაუადვილებს. შეგახსენებთ, ე.წ. გავრილოვის ღამის შემდეგ რუსეთმა 2019 წლის ივლისიდან საქართველოსთან პირდაპირი ფრენები შეწყვიტა.