#ახალიამბები
მოქალაქე, რომელსაც პროკურატურა თაღლითობაში ადანაშაულებდა, გამართლდა. ახალი მტკიცებულებების საფუძველზე, მალხაზ ბარამიძის მიერ, დანაშაულის ჩადენის ფაქტი გამოირიცხა. ბათუმის საქალაქო სასამართლოს 2011 წლის 4 აპრილის განაჩენით, ბარამიძეს, სასჯელის სახით 5 წელი პირობითი მსჯავრი ჰქონდა მისჯილი, 6 წლის გამოსაცდელი ვადით და ჯარიმა 5 000 ლარის ოდენობით. მას პროკურატურა დოკუმენტების გაყალბებითა და კომისიის შეცდომაში შეყვანით სოფელ გონიოში 3007 კვ.მ. მიწის ნაკვეთის დაკანონებაში ადანაშაულებდა. როგორც ხელახალი გამოძიებით დადგინდა, ბარამიძე 1991 წლიდან აღნიშნულ მიწის ნაკვეთს კანონიერად ფლობდა, შესაბამისად მას ბრალდება მოეხსნა.