#ახალიამბები
წვევამდელები ჯარში გაწვევას თანხის გადახდით ვეღარ გადაავადებენ. ახალი თავდაცვის კოდექსის კანონპროექტი საქართველოს პარლამენტის თავდაცვისა და უშიშროების კომიტეტმა მეორე მოსმენით განიხილა. ცვლილების მიხედვით, წვევამდელთა ეროვნულ სამხედრო სამსახურში გაწვევის გადავადების საფუძველი მოსაკრებლის გადახდა აღარ იქნება. კომიტეტმა პირველი მოსმენით მიღებული კანონპროექტიდან ამოიღო ნორმა, რომლის თანახმად, ერთი წლით, სამხედრო სამსახურისთვის თავის არიდების მოსაკრებელი 10 ათას ლარს შეადგენდა.