#ახალიამბები
იდენტიფიცირებულია თაღლითი ბიზნესმენების ქსელი, სადაც დავით კეზერაშვილის სახელიც ფიგურირებს. სპეციალური საგამოძიებო რეპორტაჟი „ბიბისის„ გამომძიებელმა ჟურნლისტებმა მოამზადეს. მასალა ქოლ-ცენტრების სკანდალთანაა დაკავშირებული და თაღლითური გზით წლების განმავლობაში ადამიანების ძარცვის სქემაა მხილებული. დადგენილია, რომ თაღლითური ქსელი მთელ მსოფლიოში, მათ შორის საქართველოშიც მოქმედებდა და ამ სქემით პენსიონერებისა და რიგითი ინვესტორების მილიარდ დოლარზე მეტი თანხაა მითვისებული. აუდიოსიუჟეტში ნათქვამია, რომ BBC-მ არაერთი მტკიცებულების მოპოვება შეძლო, რომელიც თავდაცვის ყოფილ მინისტრს მილტონის ბრენდებთან აკავშირებდა. სიუჟეტში აღნიშნულია, რომ სხვა უძრავ ქონებასთან ერთად კეზერაშვილი ფლობს კიევის საოფისე შენობას, სადაც თაღლითური სატელეფონო ცენტრი იყო განთავსებული.