#ახალიამბები
საქართველოს ტურიზმის ეროვნული ადმინისტრაციის ხელმძღვანელი მაია ომიაძე აჭარაში მოქმედი ტურისტული კომპანიების, სასტუმროებისა და ტურიზმის სფეროს სხვადასხვა წარმომადგენლებს შეხვდა. აუდიენცია, კითხვა-პასუხის რეჟიმში გაიმართა. ომიაძემ სფეროს წარმომადგენლებს ადმინისტრაციის მიმდინარე და დაგეგმილი აქტივობები გააცნო. ასევე, მოისმინა კერძო სექტორის წარმომადგენლების ინიციატივები და რეკომენდაციები, სხვადასხვა პროექტების ეფექტური განხორციელების მიზნით, რამაც ხელი უნდა შეუწყოს ტურისტული ნაკადების მოზიდვას, შემოსავლების გაზრდას და კერძო სექტორის განვითარებას.