#ახალიამბები
შსს-ს მიერ გამოქვეყნებულ სპეციალურ განცხადებას, იმასთან დაკავშირებით, რომ მშვიდობიან აქციაზე შეკრებილები აგრესიულად იქცეოდნენ, ოპოზიცია გამიზნულ პროვოკაციას უწოდებს. ძალოვანი უწყება წერს, რომ „აქციის მონაწილეებმა დააზიანეს შინაგან საქმეთა სამინისტროს კუთვნილი რამდენიმე ავტომანქანა, რუსთაველის გამზირზე მდებარე შენობების ფასადები, ვიტრინები, ცეცხლი წაუკიდეს ქუჩაში მდგარ ურნებს, დაამტვრიეს სკამები და საზოგადოებრივი ტრანსპორტის მოსაცდელები“. ამ ყველაფერში, აქციის ორგანიზატორები სუს-ის კვალს ხედავენ. მშვიდობიანი დემონსტრაციის მონაწილეების თქმით, ვანდალურ ფაქტებს, აქციაზე სპეციალურად მიგზავნილი პირები ახორციელებდნენ, რათა მოქალაქეებში პანიკა და დაძაბულობა გამოეწვიათ.