#ახალიამბები
უკანონო ონლაინ კაზინოები ბათუმში - ფინანსთა სამინისტროს საგამოძიებო სამსახურის ინფორმაციით, აჭარაში, უნებართვო სამეწარმეო საქმიანობის განხორციელებისთვის პასუხისგებაში 3 უცხოელი მისცეს, მათგან ერთი დააკავეს. გამოძიების თანახმად, ბრალდებულები, საქართველოს ფარგლებს გარეთ მოქმედ ინტერნეტ კაზინოების ვებ გვერდებზე ლოტოს გათამაშების პროცესს გადასცემდნენ. ობიექტების ლეგალურად ფუნქციონირების შემთხვევაში, თითოეულ მათგანს სახელმწიფო ბიუჯეტში, სანებართვო მოსაკრებლის სახით, 100 000 ლარი უნდა გადაეხადა. გამოძიება მიმდინარეობს, დანაშაული კი 3-დან 5 წლამდე ვადით პატიმრობას ითვალისწინებს.