#ახალიამბები
დიდი ოდენობით ქონების ჯგუფურად გამოძალვის და ჯგუფურად ჩადენილი ძალადობის ფაქტზე წარსულში ნასამართლევი 4 პირი დააკავეს. გამოძიებით დადგინდა, რომ ბრალდებულებმა მოქალაქე მოტყუებით მიიყვანეს ერთ-ერთ სახლში, სადაც გადასცეს 300 გრამი ნარკოტიკული საშუალება, მისი რეალიზებისთვის 2 კვირის ვადა მისცეს და თანხის გადაცემა მოსთხოვეს. წინააღმდეგ შემთხვევაში ისინი ოჯახის წევრების სიცოცხლის ხელყოფით დაემუქრნენ. გამოძიება დიდი ოდენობით ქონების ჯგუფურად გამოძალვის, ჯგუფურად ჩადენილი ძალადობის, მძიმე დანაშაულის შეუტყობინებლობისა და ნარკოტიკული საშუალების უკანონო შეძენა-შენახვის მუხლებით მიმდინარეობს. დანაშაულები 7 წლამდე ვადით თავისუფლების აღკვეთას ითვალისწინებს.