#ახალიამბები
საქართველოში შემოტანილი დიზელი კანონმდებლობით დადგენილ ნორმებს არ შეესაბამება. გარემოსდაცვითი ზედამხედველობის დეპარტამენტის თანამშრომლებმა საავტომობილო საწვავის ხარისხი შეამოწმეს. ქვეყნის მასშტაბით, 100 ავტოგასამართი სადგურიდან საავტომობილო ბენზინის 50 და დიზელის საწვავის ამდენივე სინჯი აიღეს. კვლევის შედეგად, სამართალდარღვევა მხოლოდ, დიზელის საწვავის სინჯებში გამოვლინდა. აღებული ნიმუშების ნახევარზე მეტი, კანონმდებლობით დადგენილ ნორმებს არ აკმაყოფილებდა. დარღვეული იყო გოგირდის შემცველობა, აფეთქების ტემპერატურა და სიმკვრივე. სამართალდამრღვევების მიმართ შედგა ადმინისტრაციული ოქმები. ჯარიმების ოდენობა კი, ჯამში, 3 მილიონ 350 ათას ლარზე მეტია.