#ახალიამბები
საქართველოს ტერიტორიული წყლების დაბინძურების ფაქტები გამოვლინდა. პანამისა და პალაუს დროშების ქვეშ მცურავმა გემებმა ზღვა სამეურნეო წყლებით დააბინძურეს. გარემოსდაცვითი ზედამხედველობის დეპარტამენტისა და სასაზღვრო პოლიციის თანამშრომლებმა სამართალდამრღვევების მიმართ ადმინისტრაციული ოქმები შეადგინეს. კაპიტნებს 65-65 ათასი ლარის ოდენობით ჯარიმა დაეკისრათ. მათ თავისუფალი ნაოსნობის უფლება დაკისრებული სანქციისა და გარემოსთვის მიყენებული ზიანის თანხის გადახდის შემდეგ მიეცათ.