#ახალიამბები
ძლიერი ხანძრის შედეგად, ბათუმში, სასაწყობე შენობა-ნაგებობა დაიწვა. ავეჯის საამქრო მთლიანად განადგურდა. შპს „AMG”-ს მეპატრონის თქმით, დაახლოებით, 100 ათასი აშშ დოლარის ზარალი მიადგათ. შემთხვევის შედეგად არავინ დაშავებულა. ადგილზე, სახანძრო-სამაშველო სამსახურის რამდენიმე ჯგუფი მუშაობდა. ხანძრის გამომწვევი მიზეზი, ჯერჯერობით, უცნობია. შინაგან საქმეთა სამინისტრომ, გამოძიება საქართველოს სისხლის სამართლის კოდექსის 187-ე მუხლით დაიწყო, რაც სხვისი ნივთის დაზიანებას გულისხმობს.