#ახალიამბები
„ავარიული სახლების ჩანაცვლების პროგრამა კორუფციული გზით ხორციელდება“ - განცხადება „ნაციონალური მოძრაობის“ აჭარის ორგანიზაციაში გაკეთდა. რეზო ხარაზის თქმით, 80 მილიონიან პროექტზე, სატენდერო პირობები კონკრეტულ კომპანიას წინასწარ მოარგეს და ამაზე რამდენიმე გარემოება მეტყველებს. მაგალითისთვის, ოპოზიციონერი ამბობს, რომ არ არსებობს გეგმა-გრაფიკი, რომელი კორპუსი რა ვადაში უნდა დასრულდეს. გარდა ამისა, ტენდერის მიხედვით, გამარჯვებულ კომპანიას შეუძლია, ავანსის სახით, წინასწარ აიღოს მთლიანი ღირებულების 30-დან 50%-მდე თანხა, მაშინ, როცა ამავე კომპანიას მოეთხოვება ანგარიშზე სოლიდური საგარანტიო თანხა ჰქონდეს. ბათუმის საკრებულოს წევრის განცხადებით, ასეთი კომპანია ქვეყანაში სულ რამდენიმეა და ისინი პირდაპირ კავშირში არიან ქვეყნის პრემიერ-მინისტრთან. განცხადებას ჯერჯერობით მერიაში არ პასუხობენ.