#ახალიამბები
ნარკოდანაშაულისთვის, 62 პირი დააკავეს, მათ შორის, 46 ნარკორეალიზატორია. ოპერატიული ღონისძიებები და საგამოძიებო მოქმედებები, მთელი ქვეყნის მასშტაბით ჩატარდა. სამართალდამცავებმა დაკავებული პირებისგან რამდენჯერმე ნარკოტიკების საკონტროლო შესყიდვა და მათი ფარული აუდიო-ვიდეო ჩაწერა განახორციელეს. ნივთმტკიცების სახით ამოღებულია სარეალიზაციოდ გამზადებული "ჰეროინი", „კოკაინი“, „ექსტაზი“, „მეტადონი“, "კეტამინი", "მარიხუანა" და სხვა ნარკოტიკული საშუალებები. დანაშაულები 20 წლამდე ან უვადო თავისუფლების აღკვეთას ითვალისწინებს. შსს-ს ცნობით, 2022 წელს, ქვეყნის მასშტაბით, სულ 204 ნარკორეალიზატორია დაკავებული.