#ახალიამბები
ბათუმში, "ლიბერთი ბანკის" შენობა დაიწვა. შემთხვევა, დღეს დილით, ლუკა ასათიანისა და ფარნავაზ მეფის ქუჩების კვეთაში არსებულ ფილიალში მოხდა. ცეცხლის შედეგად, შენობა და ინვენტარი დაზიანდა. შემთხვევას მსხვერპლი არ მოჰყოლია. ჯერჯერობით, უცნობია ხანძრის გამომწვევი მიზეზი. ერთ-ერთი ვერსიით, ბანკი ჯერ გაძარცვეს, შემდეგ კი, კვალის წაშლის მიზნით ცეცხლი წაუკიდეს. ინფორმაციას, ფინანსური ინსტიტუტის მმართველი არ ადასტურებს. სალომე ქერქაძის თქმით, ცეცხლი სადენებს გაუჩნდა. ადგილზე სამართალდამცავები იმყოფებიან. შსს-ს ინფორმაციით, მომხდარზე გამოძიება სსკ-ის 188-ე მუხლის მეორე ნაწილი დაიწყო, რაც ცეცხლთან ან მომატებული საფრთხის წყაროსთან გაუფრთხილებელი მოპყრობით ნივთის დაზიანებას ან განადგურებას გულისხმობს.