#ახალიამბები

კრიმინალი, ნარკომანია, სიღარიბე - ეს ყოველივე ჩვენს ქვეყანაში ბოლო დროს განსაკუთრებული პრობლემაა. უმუშევრობის დონე 20 %-იან მაჩვენებელს სტაბილურად იკავებს.

წლიდან წლამდე, ციფრები პოზიტიურ ცვლილებას არ განიცდის. უმუშევრობას, პროცენტებში, არც სიღარიბე ჩამორჩება. ოფიციალური მონაცემებით, მიმდინარე წელს, სექტემბრის ჩათვლით, 43 ათას 792 დანაშაულია რეგისტრირებული. მათ შორისაა მკვლელობის მცდელობები და მკვლელობები. ასევე ნარკოდანაშაულები.

ოფიციალური სტატისტიკური მონაცემები, ნებისმიერი მიმართულებით, იმდენად მაღალია, რომ მოსახლეობას უჭირს იდენტიციფირება, რომელია მათგან დღეს ყველაზე დიდი გამოწვევა ქვეყნისთვის. ამ ფონზე რას უნდა ებრძოლოს სახელმწიფო უპირველესად. გთავაზობთ მოქალაქეების მოსაზრებებს.