#ახალიამბები
„ბათუმის ავტოტრანსპორტის“ საზოგადოებასთან ურთიერთობის სამსახურის ყოფილი ხელმძღვანელი, ორგანიზაციის დირექტორის წინააღმდეგ სამართლებრივ დავას იწყებს. მუნიციპალური შპს-ეს ყოფილი თანამშრომელი ფიქრობს, რომ ლევან ლაზარიაშვილმა, რეორგანიზაცია მისი გათავისუფლებისთვის დაგეგმა, რადგან იგი რეალურად ერთადერთი კადრია, რომლის შტატიც გადახალისების შედეგად გაუქმდა. ლიკა თავაძეს სჯერა, რომ ქმრის გადაწყვეტილების გამო დაისაჯა. ცნობისთვის, ალექსანდრე დავითაძე აჭარის განათლების მინისტრის მოადგილე იყო. მან გასულ წელს თანამდებობა და „ქართული ოცნება“ დატოვა და გახარიას პარტიას შეუერთდა. როგორც თავაძე ამბობს, სასამართლო პროცესი, პრინციპის და ღირსების დავა იქნება. “ბათუმის ავტოტრანსპორტის“ დირექტორმა, ლევან ლაზარიაშვილმა ყოფილი თანამშრომლის ბრალდებაზე კომენტარი არ გააკეთა.