#ახალიამბები
ბათუმში, დიდი ოდენობით ყალბი ვალუტის გასაღების ფაქტზე, ირანის მოქალაქე დააკავეს. ბრალდებულმა, სხვადასხვა სავაჭრო ობიექტზე, ჯამში, 5 ათასი ამერიკული დოლარის ოდენობის ყალბი 50 დოლარიანი კუპიურა გაასაღა. დაკავებულის საცხოვრებელი სახლის ჩხრეკის შედეგად, დამატებით 7 ათასი ამერიკული დოლარია ამოღებული, რომელზეც შესაბამისი ექსპერტიზაა დანიშნული. გამოძიება საქართველოს სისხლის სამართლის კოდექსის 212-ე მუხლის მე-2 ნაწილით მიმდინარეობს, რაც სასჯელის სახით 7-დან 10 წლამდე ვადით თავისუფლების აღკვეთას ითვალისწინებს.