#ახალიამბები

ბათუმის მერი არჩილ ჩიქოვანი თურქეთში მცხოვრები ქართული დიასპორის წარმომადგენლებს შეხვდა. შეხვედრაზე ისაუბრეს ქართული დიასპორის მნიშვნელობასა და კულტურული თვითმყოფადობის შენარჩუნებაზე.

ხაზი გაესვა ორი ქვეყნის ურთიერთობების წარმატებაში ქართული დიასპორის როლს. აღინიშნა, რომ თურქეთის რესპუბლიკა საქართველოს მტკიცე მხარდამჭერია, როგორც ორმხრივ, ისე საერთაშორისო ფორმატებში. დიასპორის წარმომადგენლებმა მათი საქმიანობა და განხორციელებული პროექტები განიხილეს. მხარეებმა გამოთქვეს მჭიდრო თანამშრომლობის გაგრძელების სურვილი.