#ახალიამბები
კომუნიკაციების კომისიამ, ევროპელ ექსპერტებთან ერთად, საქართველოს სატელეკომუნიკაციო ბაზრის სრულფასოვანი კვლევის პროექტზე დაიწყო მუშაობა. პროექტი ევროკავშირის დაფინანსებით ხორციელდება. კომუნიკაციების კომისიას ერთკვირიანი სამუშაო ვიზიტით ხორვატი, ბელგიელი, სლოვენიელი და ბრიტანელი ექსპერტების ჯგუფი ეწვია. ისინი მობილური და ფიქსირებული მომსახურებების საცალო და საბითუმო სეგმენტებზე, ეკონომიკური, სამართლებრივი და ტექნიკური მიმართულებით ანალიზს ჩაატარებენ. კვლევის ფარგლებში, ტელეკომ ბაზარზე არსებული კონკურენცია შეფასდება.