#ახალიამბები
მთიან აჭარას საპიკნიკე ზონები შეემატა. ეკოლოგიური მასალებით დამზადებული მოსასვენებელი ადგილები ნაკონაღვარის მთაზე და კვესაური-ძველიმთის მიმდებარედ მოეწყო. მოგზაურებს საშუალება ექნებათ.ღია სივრცეში, ავთენტურ გარემოში განიტვირთონ, დაისვენონ და ულამაზესი პანორამული ხედებით დატკბნენ. საპიკნიკე ინფრასტრუქტურა საკოცონე სივრცეებს, ფანჩატურებს, საქანელებიან მოსასვენებელ სივრცეებსა და ფოტოსტენდებს მოიცავს. მსგავსი საპიკნიკე ზონები აჭარის ტურიზმის დეპარტამენტის ტურისტული პროდუქტების განვითარების სააგენტომ 2020-2021 წლებში, ჩირუხის მთაზე, ჯვარიმინდროზე, სოფელ კაპნისთავსა და შუამთაზე მოაწყო.