#ახალიამბები
ბათუმში ჭკვიანი სატრანსპორტო სისტემების განვითარებისთვის 15 მილიონი ევრო გამოიყოფა. პროექტი გერმანიის რეკონსტრუქციისა და განვითარების ბანკის და გერმანიის საერთაშორისო თანამშრომლობის საზოგადოების მხარდაჭერით განხორციელდება. გადაწყვეტილებასთან დაკავშირებით, ბათუმის მერიაში გამართულ შეხვედრაზე, შეღავათიანი სესხის გამოყოფის საკითხსა და პროექტის განხორციელებასთან დაკავშირებით კონკრეტულ ღონისძიებებზე იმსჯელეს. დაიგეგმა სატრანსპორტო მობილობის ტექნიკურ-ეკონომიკური კვლევა. ბათუმის მერის განმარტებით, ჭკვიანი სატრანსპორტო სისტემების ჩამოყალიბება ქალაქში საცობების განტვირთვასა და საზოგადოებრივი ტრანსპორტის უსაფრთხო გადაადგილებას შეუწყობს ხელს.