#ახალიამბები
მთავრობის სხდომაზე განათლების პრიორიტეტულობაზეც ისაუბრეს. აჭარის განათლების მინისტრის ინფორმაციით, იწყება შოთა რუსთაველის სახელმწიფო უნივერსიტეტის სასწავლო კორპუსის და სტუდენტთა საერთო საცხოვრებელის მშენებლობა, რომელიც 400 სტუდენტზე იქნება გათვლილი. გაიზრდება საზღვარგარეთ სასწავლო პრაქტიკის დაფინანსებაც. მომდევნო წელს 200-მდე სტუდენტი ისარგებლებს აღნიშნული პროგრამით. 100 სტუდენტს დაუფინანსდება სწავლა-სტაჟირება საზღვარგარეთ. შუახევსა და ხულოში დამამთავრებელი კლასის მოსწავლეებისთვის მოეწყობა საგნების გაძლიერებული სწავლების ცენტრები. მინისტრის განმარტებით, სკოლების მშენებლობა-რეაბილიტაციის ბიუჯეტი იზრდება 7 მილიონი ლარით და შეადგენს 25 მილიონ ლარს. სიახლეებია კულტურის მიმართულებითაც. გაძლიერდება ხელოვანების მხარდამჭერი პროგრამები, მილიონ ლარზე მეტი დაიხარჯება ფესტივალებისა და სხვა კულტურული ღონისძიებების ორგანიზებაში. ორმაგდება კულტურული მემკვიდრეობის მოვლა-პატრონობის დაფინანსება.