#ახალიამბები
ბათუმის მერვე საჯარო სკოლის ერთ-ერთი მოსწავლე, რომელიც გუშინ, დაპირისპირების დროს დაშავდა, სამედიცინო დაწესებულებაშია მოთავსებული. იგი სასწრაფო სამედიცინო დახმარების ბრიგადამ "ბაუ საერთაშორისო ჰოსპიტალში" მიიყვანა. კლინიკური მენეჯერის განმარტებით, მოზარდის ჯანმრთელობის მდგომარეობა სტაბილურია. მიშა მჟავანაძის თქმით, ახალგაზრდას ზედა ყბისა და ცხვირის მოტეხილობა აღენიშნება. არასრულწლოვანს აქვს ტვინის შერყევაც, მსუბუქი ფორმით. შეგახსენებთ, შელაპარაკება და ფიზიკური დაპირისპირება მაღალკლასელებს შორის, გუშინ, მოხდა. სავარაუდო დამნაშავე სამართალდამცავებმა შემთხვევის ადგილზევე დააკავეს.