#ახალიამბები
ბათუმი „Euronews“-ზე. გავლენიანი ტელეკომპანია, ჩვენს ქალაქს, როგორც ევროპის სწრაფად მზარდ ტურისტულ მიმართულებას, ვრცელ სიუჟეტს უძღვნის. ვიდეო მასალაში მთავარი ყურადღება აჭარაში ტურიზმის, ბიზნესისა და ტურისტული ინფრასტრუქტურის განვითარებას, ასევე ბათუმის, როგორც ოთხი სეზონის ტურისტულ მიმართულებად ჩამოყალიბებას ეთმობა. „აქ სიძველე და თანამედროვეობა სრულყოფილ ჰარმონიაშია შერწყმული. შავი ზღვის მარგალიტი არის ქვეყნის ნომერ პირველი ბიზნეს ლოკაცია, მისი გეოგრაფიული მდებარეობის, სერვისებისა და ინფრასტრუქტურის წყალობით.“ - ამბობს ჟურნალისტი სიუჟეტში. იგი მსოფლიოს 160 ქვეყანაში ევრონიუსის მილიონობით მაყურებელმა იხილა.