#ახალიამბები
„ახალი ტექნოლოგიები და ციფრული მმართველობა აღსრულების პროცესში" - ბათუმში, აღმასრულებელთა საერთაშორისო კონფერენცია გაიხსნა. შეხვედრაზე ახალი ტექნოლოგიებისა და ციფრული მმართველობის დანერგვის საკითხები განიხილეს. მონაწილეები საქართველოს სააღსრულებო სისტემაში უკვე დანერგილ ელექტრონულ სერვისებს გაეცნენ. განისაზღვრა სამომავლო გეგმებიც. იუსტიციის მინისტრის თქმით, გაციფრულების და ხელმისაწვდომობის გაზრდის მიმართულებით აღსრულების ეროვნულ ბიუროში არაერთი სიახლე დაინერგა, მათ შორის, ციფრული არქივი, ელექტრონული და გამარტივებული საქმის წარმოების პლატფორმა და სხვა. ღონისძიებას 35-მდე ქვეყნის 150 დელეგატი ესწრებოდა.