#ახალიამბები

უკრაინა ოკუპირებულ ტერიტორიებს ჩქარი ტემპით იბრუნებს. სამხედრო ოპერაციის შედეგად, ისინი სხვადასხვა ქალაქებს ტერორისტული სახლემწიფოს ჯარისკაცებისგან ათავისუფლებენ. მათი მოქმედების უპირატესობა უკვე თვალსაჩინოა. უკრაინის გენერალური პროკურატურის ინფორმაციით, ომის დაწყებიდან დღემდე ოკუპანტებმა, უკრაინაში 48 ათას 534 დანაშაული ჩაიდინეს.

პირდაპირი მტკიცებულებები ნაპოვნია ხარკოვში, ხერსონში და თითქმის ყველა გათავისუფლებულ ქალაქში. უკრაინის გენშტაბის ინფორმაციით, რუსული არმია გარბის, თუმცა, გაქცევამდე ტერიტორიებს ნაღმავენ. ომის დაწყებიდან დღემდე, რუსეთმა უკრაინაში 53 300 ჯარისკაცი დაკარგა. ვოლოდიმირ ზელენსკიმ განაცხადა, რომ ამ დროისთვის რუსეთის პრეზიდენტთან, ვლადიმერ პუტინთან მოლაპარაკებას არ აპირებენ. ამასთან, მან აღნიშნა, რომ არ დაელაპარაკება მათ, ვინც ულტიმატუმებს უყენებს.