“კლეპტოკრატიასთან ბრძოლა თაობებს მოიცავს, მცდარი აზრი, რომ მიზანი უკვე მიღწეულია შეიძლება რეფორმების შემობრუნების და კლეპტოკრატიის ზრდის საფუძველი გახდეს, ეს შეიძლება მოხდეს რეფორმების 8 წლის პროცესის შემდეგაც, რასაც აჩვენებს უკრაინის მიმდებარედ არსებული საქართველოს გამოცდილება 2012 წლის შემდგომ,” - ნათქვამია USAID-ის მიერ გამოქვეყნებულ სახელმძღვანელოში, რომელიც გლობალურ კლეპტოკრატიასთან ბრძოლას აფასებს და ამ მხრივ წარმატებისა და წარუმატებლობის მაგალითებს მიმოიხილავს.

კლეპტოკრატია არის მმართველობის ფორმა, როდესაც მმართველი ელიტები ქვეყნის რესურსებს საკუთარი გამდიდრების მიზნით იყენებენ. სახელმწიფო რესურსების მიტაცებით კი ისინი საკუთარ ძალაუფლებას და გავლენას აფართოებენ. კლეპტოკრატია პირდაპირ არის დაკავშირებული კორუფციასთან და ინსტიტუტების ფუნქციონირების მოშლასთან, თუმცა ის უფრო მეტად კორუფციის ელიტურ სახეს წარმოადგენს.

სტუმრები: გიორგი ონიანი - "საერთაშორისო გამჭვირვალობა - საქართველოს" აღმასრულებელი დირექტორის მოადგილე;
სოსო ბერიკაშვილი - კავკასიის უნივერსიტეტის ასოცირებული პროფესორი და ეკონომიკის სკოლის დეკანი;
გიორგი რუხაძე - საქართველოს სტრატეგიული ანალიზის ცენტრის დამფუძნებელი, ევროპული კვლევების დირექტორი.



#ახალიამბები #BusinessMediaGeorgia