თბილისის საქალაქო სასამართლომ ტელეკომპანია „მთავარის“ წამყვანს, ლაშა ნაკაიძეს აღკვეთის ღონისძიების სახით პატიმრობა შეუფარდა
#ახალიამბები
თბილისის საქალაქო სასამართლომ ტელეკომპანია „მთავარის“ წამყვანს, ლაშა ნაკაიძეს აღკვეთის ღონისძიების სახით პატიმრობა შეუფარდა. მოსამართლემ ბრალდების მხარის შუამდგომლობა დააკმაყოფილა, რომელიც პატიმრობის შეფარდებას ითხოვს. პროკურორის განმარტებით, არსებობს მიმალვის, დანაშაულის ხელახლა ჩადენისა და მოწმეებზე ზემოქმედების საფრთხე. დაცვის მხარეს პროცესის დაწყებამდე კომენტარი არ გაუკეთებია. პროკურატურამ ლაშა ნაკაიძეს ბრალდება გაუპატიურების, ოჯახში ძალადობის და ოჯახის წევრის მიმართ სიცოცხლის მოსპობის მუქარის მუხლით წარუდგინა. დანაშაული 6-დან 8 წლამდე ვადით თავისუფლების აღკვეთას ითვალისწინებს. სასამართლომ ასევე დააკმაყოფილა პროკურატურის შუამდგომლობა და სხდომა დახურა, ვინაიდან საქმე სექსუალურ ძალადობას ეხება.