#ახალიამბები

„კრიტიკული მედიის სანქცირების მოთხოვნა პოლიტიკური დევნის ნიშანია“. - მედიის ადვოკატირების კოალიცია „ქართული ოცნების“ სარჩელს საგანგაშოდ მიიჩნევს. მმართველ პარტიას სურს კომუნიკაციების კომისიამ "შინ ევროპისკენ" კლიპის ეთერში განთავსების გამო, სამი კრიტიკული მედია - ფორმულა, მთავარი არხი და TV პირველი დაასანქციროს. კოალიციის განცხადებაში ნათქვამია, რომ მმართველი პარტიის მიმართ კრიტიკული შინაარსის ვიდეო რგოლების განთავსების ხელშეშლას სამართლებლივი საფუძველი არ აქვს და ქვეყანაში პლურალიზმს უქმნის საფრთხეს. მათივე შეფასებით, ამგვარი დამოკიდებულება თანამედროვე დემოკრატიული სახელმწიფოს მართვის პრინციპებთან შეუთავსებელია. საქმე 24 ივნისის პროდასავლური და ანტირუსული აქციის ვიდეოს განთავსებას ეხება. ქართული ოცნება მიიჩნევს, რომ 2022 წლის 23-25 ივნისს ფორმულას, ტვ პირველისა და მთავარი არხის ეთერში გავრცელდა რეკლამა, რომელიც წინასაარჩევნო/პოლიტიკური შინაარსის იყო.