#ახალიამბები

ბათუმში, ხელმისაწვდომი საცხოვრისის პროგრამის ფარგლებში, 40 ოჯახს საცხოვრებელი ბინები გადაეცა. „იაფი სახლის“ პროგრამა ბათუმში რეგისტრირებულ იმ მოსახლეობაზეა გათვლილი, რომელთაც საკუთარი ბინა არ გააჩნიათ და ბინის თვითღირებულების ქირის სახით დაფარვა შეუძლიათ. ბათუმის მერიის ინფორმაციით, უკვე 80 ოჯახია დაკმაყოფილებული. უწყების ცნობითვე, საცხოვრებლები, წლის ბოლოს, დამატებით კიდევ 100 ოჯახს გადაეცემა. ხელმისაწვდომი საცხოვრისის პროგრამის ფარგლებში, ჯავახიშვილის ქუჩაზე ოთხი ხუთსართულიანი კორპუსი აშენდა. ამ ეტაპზე დამატებით კიდევ 4 კორპუსის მშენებლობა მიმდინარეობს. პროგრამაში მონაწილე ოჯახების შერჩევა ტენდერში გამარჯვებული კომპანიის მიერ, ბინების შერჩევა კი, ლოტოტრონის წესით განხორციელდა. პროექტის განხორციელებისთვის 13 მილიონამდე ლარი დაიხარჯა.