#ახალიამბები
აჭარაში განხორვიელებული პროექტებიდან ერთ მილიარდ ლარზე მეტია მოპარული - შესაბამისი კვლევა, პრეზენტაციის სახით, ერთიანმა ნაციონალურმა მოძრაობამ, არასამთავრობო ორგანიზაციასთან ერთად, „ახალგაზრდული ინიციატივა მომავალი საქართველოსთვის“ წარადგინა. კვლევის ავტორები ამტკიცებენ, რომ პირდაპირი ელექტრონული ტენდერით გაწეულ სამუშაოებში, სახელმწიფო თანხების მითვისება-გაფლანგვა ხდება. ოპოზიციაში ამბობენ, რომ ფაქტებს, სახელმწიფო აუდიტის სამსახურიც ადასტურებს. რეზო ხარაზმა ისაუბრა კონკრეტულ ქეისებზე, სადაც სამუშაოები არაჯეროვნად შესრულდა, შეჩერდა ან საერთოდ არ განხორციელდა, ესენია, ყინულის სახლისა და საცურაო აუზის მშენებლობა, მე-13 საბავშვო ბაღის რეაბილიტაცია, წყალარონებისა და სანიაღვრე არხების მოწყობა და სხვა ინფრასტრუქტურული პროექტები. ხელისუფლების ოპონენტებისა და არასამთავრობო სექტორის ერთობლივ კვლევაზე აჭარის მთავრობასა და ბათუმის მერიაში კომენტარი არ გააკეთეს.