#ახალიამბები

ბათუმში, სამრეწველო ზონის მიმდებარედ წყალარინების მაგისტრალური ქსელის მოწყობა და სატუმბი სადგურების მშენებლობა დაიწყო. პროექტს ბათუმის მერიისა და აჭარის მთავრობის ფინანსური მხარდაჭერით, კომპანია „თექ ჰაივეი“ ახორციელებს, ხოლო ზედამხედველობას შპს „ბათუმის წყალი“ გაუწევს. ბათუმის მერიის ინფორმაციით, პროექტი ე.წ. ოცნების ქალაქში მცხოვრები მოსახლეობისთვისაა გათვალისწინებული. ცნობისთვის, მიწისქვეშა კომუნიკაცია დასახლებაში ამ დრომდე არ არსებობდა. უწყების ცნობითვე, სამუშაოები მიმდინარე წლის დეკემბერში უნდა დასრულდეს. პროექტის ღირებულება 5 მილიონ 800 ათას ლარს შეადგენს.