#ახალიამბები

ზღვის წყალი 28 გრადუსამდე გათბა. 7 აგვისტომდე საქართველოს ზოგიერთ რაიონში მაღალი ტემპერატურის ფონზე მოსალოდნელია ხანმოკლე წვიმა და ელჭექი. ჰაერის ტემპერატურა დაბლობსა და ბარში 31-36 გრადუსი დაფიქსირდება, 5 აგვისტოდან კი 3-4 გრადუსით დაიკლებს. გარემოს ეროვნული სააგენტოს აჭარის რეგიონული ჰიდრო მეტეოროლოგიური ობსერვატორიის ინფორმაციით, მომდევნო დღეებში ჰაერის ტემპერატურა სანაპირო და შიდამთიან რაიონებში დღისით 25 – 30 გრადუსი იქნება, ღამით კი 18 – 23 ცელსიუსი. მაღალ მთაში დღისით: 18 – 23 გრადუსი, ღამით: 8 – 13. სინოპტიკოსების ცნობით, მომდევნო დღეებში უმეტესად უნალექო ამინდია მოსალოდნელი.