#ახალიამბები
მათემატიკის გამოცდის პირველადი შედეგები ცნობილია. აღნიშნულ საგანში შეფასებისა და გამოცდების ეროვნულმა ცენტრმა ნაშრომებისა და ქულების გამოქვეყნება დღეს დილით დაიწყო. საკუთარი შედეგის გასაგებად, აბიტურიენტი უნდა შევიდეს ნაეს.ჯიზე და შესაბამის ველში პირადი ნომერი და ხუთნიშნა პაროლი მიუთითოს. შედეგების გაგებას სტუდენტობის მსურველები მოკლე ტექსტური შეტყობინებითაც შეძლებენ. ამისთვის, გამოსაცდელმა მობილური ტელეფონიდან საკუთარი საგამოცდო საიდენტიფიკაციო ნომერი უნდა გაგზავნოს ნომერზე 93 333. გამოსაცდელს ექნება საკუთარი ნაშრომის ასლისა და კონკრეტულ საგანში მიღებული პირველადი, „ნედლი“ ქულის ნახვის შესაძლებლობა. მათემატიკის საგამოცდო ტესტის მაქსიმალური ქულა 51-ია. აბიტურიენტს ეს საგანი ჩაბარებულად ჩაეთვლება, თუ ქულათა გათანაბრების შემდეგ მისი შედეგი ამ საგნისათვის განსაზღვრული მაქსიმალური ქულის 20%-ზე მეტი გახდება. საბოლოო შედეგები საპრეტენზიო განაცხადების განხილვის, ქულების გათანაბრებისა და სკალირების შემდეგ გამოქვეყნდება.