#ახალიამბები

უფასო სასადილოებში როცა მენიუში წვნიანია, ბენეფიციარებს მხოლოდ პური გააქვთ, კვირაში სულ ორი დღეა ნოყიერი კერძი ხორცით“.- სახალხო დამცველმა საქართველოს 25 მუნიციპალიტეტში მოქმედი 59 უფასო სასადილო შეამოწმა და არაერთი პრობლემა გამოავლინა. აპარტის შეფასებით, ზოგიერთ მუნიციპალიტეტში არსებული მდგომარეობა საკვების მიწოდების სერვისისა და სანიტარულ-ჰიგიენური კუთხით მინიმალურ მოთხოვნებს პასუხობს, თუმცა, ერთიანი სურათი არადამაკმაყოფილებელია. მონიტორინგის შედეგად გამოიკვეთა, რომ დაწესებულებათა უმრავლესობა განსაკუთრებული საჭიროების მქონე პირთათვის არა ადაპტირებულია. პრობლემას წარმოადგენს მუნიციპალიტეტების მხრიდან სერვისით მოსარგებლეთა, კვებით მოთხოვნილებებზე, სეგრერირებული სტატისტიკის წარმოება. ომბუდსმენის რეკომენდაციით, მნიშვნელოვანია, საქართველოს მთავრობამ უზრუნველყოს უფასო სასადილოებით მომსახურების მინიმალური სტანდარტების შემუშავება, რომლითაც გათვალისწინებული იქნება სერვისის მართვასთან, მენიუს კალორაჟთან, კვების ხარისხთან, სანიტარულ-ჰიგიენურ მოთხოვნებთან დაკავშირებული საკითხები.