#ახალიამბები
მუნიციპალური ინსპექციის მითითების საფუძველზე დემონტაჟს ახორციელებს შ.პ.ს. ,,სმარტ ჰაუსი“, ლერმონტოვის 12 ნომერში. კომპანიამ მრავალბინიან საცხოვრებელ კორპუსზე სანებართვო პირობების დარღვევით დამატებითი სრული სართული დააშენა. ბათუმის მერიის ინფორმაციით, აღნიშნულთან დაკავშირებით ბათუმის მუნიციპალურმა ინსპექციამ შ.პ.ს. ,,სმარტ ჰაუსი“-ს მიმართ მიმდინარე წლის თებერვალში სამშენებლო სამართალდარღვევის საქმისწარმოება დაიწყო. კომპანიას მიეცა ვადა ობიექტი სამშენებლო დოკუმენტაციასთან შესაბამისობაში მოეყვანა. პირობების შეუსრულებლობის გამო სამართალდამრღვევი დაჯარიმდა, გამოიცა სააღსრულებო ფურცელი და გადაიგზავნა იძულებით აღსასრულებლად. ბათუმის მუნიციპალური ინსპექციის, სამშენებლო ზედამხედველობის განყოფილების მიერ მიმდინარე წელს 250-ზე მეტი ობიექტი გადამოწმდა. მათ შორის 102-ზე სამშენებლო სამართალდარღვევის ფაქტი გამოვლინდა;