#ახალიამბები
ივნისში საქართველოში 135 457 რუსი შემოვიდა. მაჩვენებელი, გასულ წელთან შედარებით, 340 პროცენტითაა გაზრდილი. ამავე პერიოდში, ევროკავშირის ქვეყნებიდან ვიზიტორთა რაოდენობა 28 989-ს შეადგენს. რუსეთის მოქალაქეების შემდეგ, ყველაზე მეტი – 86 565 მოქალაქე სომხეთიდან, 69 973 მოქალაქე კი თურქეთიდან შემოვიდა. შვიდეულს შორის, საიდანაც ყველაზე მეტი ვიზიტორი ეწვია ქვეყანას არის ასევე ისრაელი, უკრაინა და ყაზახეთი. ივნისის თვეში საზღვრის კვეთის შესახებ მონაცემები 6 ივლისს საქართველოს ტურიზმის ეროვნულმა სააგენტომაც გამოაქვეყნა. ამ სახელმწიფო უწყების მონაცემები განსხვავდება შს სამინისტროს მონაცემებისგან – ტურიზმის ცნობით, ივნისის თვეში, რუსეთიდან საქართველოს საზღვარი რუსეთის 90 239-მა მოქალაქემ გადმოკვეთა.