#ახალიამბები
დიდი ოდენობით უაქციზო სიგარეტის შენახვის ფაქტზე, ერთი პირი დააკავეს. ბრალდებულის სახლიდან სარეალიზაციოდ განკუთვნილი, 9 658 ლარის ღირებულების 2 195 კოლოფი სხვადასხვა დასახელების თამბაქოს ნაწარმი ამოიღეს. გამოძიება საქართველოს სისხლის სამართლის კოდექსის მე-200 მუხლის მე-2 ნაწილით მიმდინარეობს, რაც სასჯელის სახით 4-დან 6 წლამდე ვადით თავისუფლების აღკვეთას ითვალისწინებს. მიმდინარე წელს, უაქციზო სიგარეტის შენახვა-გადაზიდვა-რეალიზაციის ფაქტზე 174 პირი ამხილეს და ჯამში სხვადასხვა დასახელების 403 ათასი კოლოფი უაქციზო საქონელი ამოიღეს, რომლის საერთო საბაზრო ღირებულება დაახლოებით 2 მილიონ ლარს შეადგენს.