ივლისი 25, 2022
#ახალიამბები
ქობულეთში ახალი ბულვარი გაიხსნა. რეკრეაციული სივრცე ახალ მიმართულებაზე მოეწყო და ძველი ბულვარი დაახლოებით ერთი კილომეტრით გაგრძელდა. ქობულეთის მერიის ინფორმაციით, პროექტისთვის, პროგრამის „განახლებული რეგიონები“ ფარგლებში 8 მილიონ 100 ათასი ლარი დაიხარჯა. ზღვისპირა პარკის მთელ სიგრძეზე აშენდა გამყოფი კედელი, ველო ბილიკი და საფეხმავლო ბილიკი. საფეხმავლო ბილიკის მიმდებარედ მოეწყო რეკრეაციული და კომერციული ზონები. საბავშვო-გასართობ სივრცეებში დაიდგა ატრაქციონები, ხოლო სპორტულ ზონაში მოეწყო ქვიშის ფრენბურთისა და ქვიშის ფეხბურთის მოედნები. ახალ ბულვარში აშენდა ადაპტირებული სანიტარული კვანძები, ძველ ბულვართან დასაკავშირებლად კი, აშენდა საფეხმავლო ხიდი.
მაჩვენე მეტი