#ახალიამბები
დღეიდან, თბილისი-ბათუმის მატარებლით მგზავრობა ძვირდება. ღირებულება იქნება: მეორე კლასი – 34 ლარი, პირველი – 74 ლარი, ბიზნესკლასი – 124 ლარი. ამ დრომდე ბათუმი -თბილისის სამგზავრო მატარებლის მეორე კლასით მგზავბრობა 25 ლარი ღირდა. „საქართველოს რკინიგზაში“ ტარიფის ზრდას, გაზრდილი ელექტროენერგიის, მატარებლების მოვლა-შენახვის, მასალების და სხვა ხარჯებით ხსნიან. კომპანიის ინფორმაციით, ძალაში რჩება ყველა შეღავათი სტუდენტებისთვის, ომის ვეტრანებისა და რკინიგზელებისთვის. ასევე მოქმედებს საბავშო ტარიფი, 50 პროცენტიანი ფასდაკლებით, 10 წლამდე ასაკის მოზარდებისთვის. აგრეთვე 5 წლამდე ასაკის ერთი ბავშვი იმგზავრებს უფასოდ მგზავრთან ერთად.