#ახალიამბები
ქედაში, ტურისტული მნიშვნელობის საავტომობილო გზის სარეაბილიტაციო სამუშაოები მიმდინარეობს. მერისი-ნამონასტრევის მიმართულებით 2,1 კმ საავტომობილო გზაზე ორფენიანი ასფალტობეტონის საფარი ეგება. პროექტის მიხედვით უნდა აშენდეს გაბიონის და ბეტონის კედლები, სანიაღვრე არხები, მილები და ზღუდარები. ამ ეტაპზე, გაბიონის საყრდენ კედლებს აწყობენ. რეაბილიტირებული გზით ადგილობრივ მოსახლეობასთან ერთად, ტურისტები ისარგებლებენ. აჭარის საავტომობილო გზების დეპარტამენტის ინფორმაციით, სამუშაოების დასრულება მიმდინარე წლის ოქტომბერში იგეგმება.